নতুন দিল্লী, ২৭ ছেপ্টেম্বৰ (হি.স,)। ৰাজহুৱা খণ্ডৰ কোম্পানী নেশ্যনেল থাৰ্মেল পাৱাৰ কৰ্পৰেশ্যন লিমিটেডে চৰকাৰক ৩২৪৮ কোটি টকাৰ চূড়ান্ত লভ্যাংশ প্ৰদান কৰিছে। ২০২৪-২৫ বিত্তীয় বৰ্ষৰ বাবে শক্তি মন্ত্ৰালয়ক চূড়ান্ত লভ্যাংশ প্ৰদান কৰিছে কোম্পানীটোৱে।
এন টি পি চিৰ অধ্যক্ষ তথা পৰিচালন সঞ্চালক গুৰদীপ সিঙে পৰিচালনা সমিতিৰ সৈতে মিলি যোৱা ২৫ ছেপ্টেম্বৰত বিদ্যুৎ সচিব পংকজ আগৰৱালাৰ উপস্থিতিত কেন্দ্ৰীয় শক্তি মন্ত্ৰী মনোহৰ লালক ৩২৪৮ কোটি টকাৰ চূড়ান্ত লভ্যাংশৰ চেক প্ৰদান কৰে।
এন টি পি চিয়ে গতাই দিয়া এই ধনৰাশি ২০২৪ চনৰ নৱেম্বৰ মাহত প্ৰদান কৰা প্ৰথম অন্তৱৰ্তীকালীন লভ্যাংশ ২,৪২৪ কোটি টকা আৰু ২০২৫ চনৰ ফেব্ৰুৱাৰী মাহত প্ৰদান কৰা ২,৪২৪ কোটি টকাৰ দ্বিতীয় অন্তৱৰ্তীকালীন লভ্যাংশৰ উপৰিও ₹১০ মুদ্ৰা মূল্যৰ প্ৰতি শ্বেয়াৰত ₹৮.৩৫। এন টি পি চি লিমিটেডে এইবাৰ একেৰাহে ৩২ সংখ্যক লভ্যাংশ প্ৰদান কৰিছে।
हिन्दुस्थान समाचार / অৰৱিন্দ
