নতুন দিল্লী, ২৮ নৱেম্বৰ (হি.স.)। সুদীপ ফাৰ্মা লিমিটেডৰ শ্বেয়াৰ ৫৯৩ ₹ৰ ইছ্যু মূল্যতকৈ প্ৰায় ২৪% বৃদ্ধিৰে শুকুৰবাৰে ষ্টক এক্সচেঞ্জত তালিকাভুক্ত হয় । কোম্পানীটোৰ মাৰ্কেট কেপ আছিল ₹৮,৫৬৭.৭২ কোটি।
বম্বে ষ্টক এক্সচেঞ্জ (বিএছই)ত কোম্পানীটোৰ শ্বেয়াৰ মুকলি হয় ₹৭৩৩.৯৫ ত, যিটো ইয়াৰ ইছ্যু মূল্যৰ তুলনাত ২৩.৭৬% বৃদ্ধি। ব্যৱসায়ৰ সময়ত পিছলৈ ৩১% বৃদ্ধি পাই ₹৭৭৭ হয়। নেচনেল ষ্টক এক্সচেঞ্জ (এনএছই)ত ইয়াৰ তালিকাভুক্ত হয় ₹৭৩০, ২৩.১০% বৃদ্ধি। শ্বেয়াৰ বিক্ৰীৰ অন্তিম দিন মঙলবাৰে সুদীপ ফাৰ্মা লিমিটেডৰ প্ৰাৰম্ভিক পাব্লিক অফাৰিং (আই পি অ’) ৯৩.৭১ বাৰ চাবস্ক্ৰাইব কৰা হয়। সুদীপ ফাৰ্মা লিমিটেডে ৮৯৫ কোটি ₹ৰ আই পি অ’ৰ বাবে প্ৰতি শ্বেয়াৰত ৫৬৩-₹৫৯৩ টকাৰ মূল্যৰ বেণ্ড নিৰ্ধাৰণ কৰিছিল।
সুদীপ ফাৰ্মা লিমিটেড হৈছে প্ৰযুক্তি-চালিত কোম্পানী যিয়ে সহায়ক আৰু বিশেষ উপাদান প্ৰস্তুত কৰে। এই সামগ্ৰীসমূহ ঔষধ, খাদ্য, আৰু পুষ্টি খণ্ডত ব্যৱহাৰ কৰা হয়। কোম্পানীটোৱে সম্পূৰ্ণৰূপে ইন-হাউছ প্ৰযুক্তিৰ ওপৰত কাম কৰে, য’ত উন্নত প্ৰক্ৰিয়া যেনে এনকেপচুলেচন, স্প্ৰে ড্ৰাইং, গ্ৰেনুলেশ্যন, ব্লেণ্ডিং, আৰু লাইপ’জ’মেল প্ৰস্তুতি আদি অন্তৰ্ভুক্ত। ১০০ খনতকৈও অধিক দেশত এই কোম্পানীটোৰ উপস্থিতি আছে।
हिन्दुस्थान समाचार / অৰৱিন্দ
