নতুন দিল্লী, ২০ জুলাই (হি.স.)। সোমবাৰৰ পৰা আৰম্ভ হোৱা ব্যৱসায়িক সপ্তাহত প্ৰাথমিক বজাৰত যথেষ্ট ক্ৰিয়া-কলাপ হ’ব। এই সপ্তাহত ১০টা কোম্পানীয়ে মুকলি কৰিবলৈ ওলাইছে আই পি অ’। ইয়াৰে ৫টা আই পি অ’ মেইনব’ৰ্ড ছেগমেণ্টৰ, বাকী ৫টা আই পি অ’ ক্ষুদ্ৰ আৰু মজলীয়া উদ্যোগৰ। ইয়াৰ উপৰিও অহা সপ্তাহত তিনিটা কোম্পানীৰ শ্বেয়াৰে ষ্টক মাৰ্কেটত তালিকাভুক্তিৰ জৰিয়তে ব্যৱসায় আৰম্ভ কৰিবলৈ ওলাইছে।
সপ্তাহটোৰ প্ৰথমটো ব্যৱসায়িক দিন ২১ জুলাইত চাবস্ক্ৰিপচনৰ বাবে মুকলি হ’ব সাভি ইনফ্ৰাৰ ৬৯.৯৮ কোটি টকাৰ আই পি অ’। এই আই পি অ’ত ২৩ জুলাইলৈকে নিবিদা কৰিব পাৰিব। আই পি অ’ৰ অধীনত ১১৪ টকাৰ পৰা ১২০ টকাৰ মূল্যৰ বেণ্ড নিৰ্ধাৰণ কৰা হৈছে, আনহাতে লটৰ আকাৰ ১২০০ টা শ্বেয়াৰ। ২৪ জুলাইত কোম্পানীটোৰ শ্বেয়াৰ আবণ্টন কৰা হ’ব।ইয়াৰ পিছত ২৮ জুলাইত এন এছ ইৰ এছ এম ই প্লেটফৰ্মত তালিকাভুক্ত কৰা হ’ব।
সেইদিনা স্বস্তিকা দুৰ্গৰ ১৪.০৭ কোটি টকাৰ আই পি অ’ চাবস্ক্ৰিপচনৰ বাবে মুকলি হ’ব। এই আই পি অ’ত ২৩ জুলাইলৈকে নিবিদা কৰিব পাৰিব। আই পি অ’ৰ অধীনত প্ৰতি শ্বেয়াৰৰ মূল্য ৬৫ টকা নিৰ্ধাৰণ কৰা হৈছে, আনহাতে লটৰ আকাৰ ২০০০ শ্বেয়াৰ। ২৪ জুলাইত কোম্পানীটোৰ শ্বেয়াৰ আবণ্টন কৰা হ’ব।ইয়াৰ পিছত ২৮ জুলাইত বিএছইৰ এছএমই প্লেটফৰ্মত তালিকাভুক্ত কৰা হ’ব।
খোদ সোমবাৰে প্ৰপশ্বেয়াৰ টাইটানিয়াৰ ৪৭৩ কোটি টকাৰ আই পি অ’ চাবস্ক্ৰিপচনৰ বাবে মুকলি হ’ব। এই আই পি অ’ত ২৫ জুলাইলৈকে নিবিদা কৰিব পাৰিব। আই পি অ’ৰ অধীনত প্ৰতি ইউনিটত মূল্যৰ বেণ্ড ১০ লাখৰ পৰা ১০.৬০ লাখ টকালৈ নিৰ্ধাৰণ কৰা হৈছে, আনহাতে লটৰ আকাৰ ১ ইউনিট। এই বিনিয়োগ ট্ৰাষ্টৰ তালিকা ৪ আগষ্টত বিএছইত হ’ব।
সপ্তাহটোৰ দ্বিতীয়টো ব্যৱসায়িক দিন ২২ জুলাইত মনাৰ্ক চাৰ্ভেয়ৰ্ছৰ ৯৩.৭৫ কোটি টকাৰ আই পি অ’ চাবস্ক্ৰিপচনৰ বাবে মুকলি হ’ব। এই আই পি অ’ত ২৪ জুলাইলৈকে নিবিদা কৰিব পাৰিব।আই পি অ’ৰ অধীনত মূল্যৰ বেণ্ড ২৩৭ টকাৰ পৰা ২৫০ টকালৈ নিৰ্ধাৰণ কৰা হৈছে, আনহাতে লটৰ আকাৰ ৬০০ শ্বেয়াৰ। ২৫ জুলাইত কোম্পানীটোৰ শ্বেয়াৰ আবণ্টন দিয়া হ’ব। ইয়াৰ পিছত ২৯ জুলাইত বিএছইৰ এছএমই প্লেটফৰ্মত তালিকাভুক্ত কৰা হ’ব।
পিছদিনা ২৩ জুলাইত জিএনজি ইলেক্ট্ৰনিকছৰ ৪৬০.৪৩ কোটি টকাৰ আইপিঅ’ চাবস্ক্ৰিপচনৰ বাবে মুকলি হ’ব। এই আই পি অ’ত ২৫ জুলাইলৈকে নিবিদা কৰিব পাৰিব।আই পি অ’ৰ অধীনত মূল্যৰ বেণ্ড ২২৫ টকাৰ পৰা ২৩৭ টকালৈ নিৰ্ধাৰণ কৰা হৈছে, আনহাতে লটৰ আকাৰ ৬৩ টা শ্বেয়াৰ। ২৮ জুলাইত কোম্পানীটোৰ শ্বেয়াৰ আবণ্টন দিয়া হ’ব।ইয়াৰ পিছত ৩০ জুলাইত কোম্পানীটোৰ শ্বেয়াৰ বিএছই আৰু এনএছইত তালিকাভুক্ত কৰা হ’ব।
সেইদিনা ইণ্ডিকিউব স্পেচেছৰ ৭০০ কোটি টকাৰ আই পি অ’ চাবস্ক্ৰিপচনৰ বাবে মুকলি হ’ব। এই আই পি অ’ত ২৫ জুলাইলৈকে নিবিদা কৰিব পাৰিব।আই পি অ’ৰ অধীনত ২২৫ টকাৰ পৰা ২৩৭ টকাৰ মূল্যৰ বেণ্ড নিৰ্ধাৰণ কৰা হৈছে, আনহাতে ইয়াৰ লটৰ আকাৰো ৬৩ টা শ্বেয়াৰ। ২৮ জুলাইত কোম্পানীটোৰ শ্বেয়াৰ আবণ্টন দিয়া হ’ব।ইয়াৰ পিছত ৩০ জুলাইত কোম্পানীটোৰ শ্বেয়াৰ বিএছই আৰু এনএছইত তালিকাভুক্ত কৰা হ’ব।
এই দুটা আই পি অ’ৰ উপৰিও টি এছ চি ইণ্ডিয়াৰ ২৫.৮৯ কোটি টকাৰ আই পি অ’ও একেদিনাই চাবস্ক্ৰিপচনৰ বাবে মুকলি হ’ব। এই আই পি অ’ত ২৫ জুলাইলৈকে নিবিদা কৰিব পাৰিব।আই পি অ’ৰ অধীনত ৬৮ টকাৰ পৰা ৭০ টকাৰ মূল্যৰ বেণ্ড নিৰ্ধাৰণ কৰা হৈছে, আনহাতে ইয়াৰ লটৰ আকাৰ ২০০০ শ্বেয়াৰ। ২৮ জুলাইত কোম্পানীটোৰ শ্বেয়াৰ আবণ্টন কৰা হ’ব।ইয়াৰ পিছত ৩০ জুলাইত এনএছইৰ এছএমই প্লেটফৰ্মত তালিকাভুক্ত কৰা হ’ব।
সপ্তাহটোৰ চতুৰ্থ ব্যৱসায়িক দিন ২৪ জুলাইত ব্ৰিগেড হোটেল ভেঞ্চাৰছৰ ৭৫৯.৬০ কোটি টকাৰ আই পি অ’ চাবস্ক্ৰিপচনৰ বাবে মুকলি হ’ব। এই আই পি অ’ত ২৮ জুলাইলৈকে নিবিদা কৰিব পাৰিব। আই পি অ’ৰ মূল্য বেণ্ড আৰু লটৰ আকাৰ এতিয়াও চূড়ান্ত হোৱা নাই। ২৯ জুলাইত কোম্পানীটোৰ শ্বেয়াৰ আবণ্টন দিয়া হ’ব।ইয়াৰ পিছত ৩১ জুলাইত কোম্পানীটোৰ শ্বেয়াৰ বিএছই আৰু এনএছইত তালিকাভুক্ত কৰা হ’ব।
সপ্তাহটোৰ শেষ ব্যৱসায়িক দিন ২৫ জুলাইত চাবস্ক্ৰিপচনৰ বাবে মুকলি হ’ব শান্তি গোল্ড ইণ্টাৰনেশ্যনেলৰ আই পি অ’। এই আই পি অ’ৰ অধীনত ১.৮১ কোটি টকাৰ নতুন শ্বেয়াৰ জাৰি কৰা হ’ব। এই আই পি অ’ত ২৯ জুলাইলৈকে নিবিদা কৰিব পাৰিব।আই পি অ’ৰ মূল্য বেণ্ড আৰু লটৰ আকাৰ এতিয়াও চূড়ান্ত হোৱা নাই। ৩০ জুলাইত কোম্পানীটোৰ শ্বেয়াৰ আবণ্টন দিয়া হ’ব। ইয়াৰ পিছত ১ আগষ্টত কোম্পানীটোৰ শ্বেয়াৰ বিএছই আৰু এনএছইত তালিকাভুক্ত কৰা হ’ব।
একেদিনাই পেটেল কেম স্পেচিয়েলিটিজৰ ৫৮.৮০ কোটি টকাৰ আই পি অ’ চাবস্ক্ৰিপচনৰ বাবে মুকলি হ’ব। এই আই পি অ’ত ২৯ জুলাইলৈকে নিবিদা কৰিব পাৰিব।আই পি অ’ৰ অধীনত মূল্যৰ বেণ্ড ৮২ টকাৰ পৰা ৮৪ টকালৈ নিৰ্ধাৰণ কৰা হৈছে, আনহাতে লটৰ আকাৰ ১৬০০ শ্বেয়াৰ। ৩০ জুলাইত কোম্পানীটোৰ শ্বেয়াৰ আবণ্টন দিয়া হ’ব।ইয়াৰ পিছত ১ আগষ্টত বিএছইৰ এছএমই প্লেটফৰ্মত তালিকাভুক্ত কৰা হ’ব।
ষ্টক মাৰ্কেটত তালিকাভুক্ত হোৱাৰ জৰিয়তে কাম আৰম্ভ কৰাৰ কথা ক’বলৈ গ’লে এন্থেম বায়’ছায়েন্সেছৰ শ্বেয়াৰসমূহ সপ্তাহটোৰ প্ৰথমটো ব্যৱসায়িক দিন ২১ জুলাইত বিএছই আৰু এনএছইত তালিকাভুক্ত কৰা হ’ব। একেদিনাই স্পানৱেব ননৱ’ভেনৰ শ্বেয়াৰ এন এছ ইৰ এছ এম ই প্লেটফৰ্মত তালিকাভুক্ত কৰা হ’ব। ইয়াৰ পিছত ২৩ জুলাইত মনিকা আলকোবেভৰ শ্বেয়াৰসমূহে বিএছইৰ এছএমই প্লেটফৰ্মত তালিকাভুক্ত কৰাৰ জৰিয়তে ব্যৱসায় আৰম্ভ কৰিব।
হিন্দুস্থান সমাচাৰ / মনোজ কুমাৰ শইকীয়া
