নতুন দিল্লী, ১৩ নৱেম্বৰ (হি.স.)। ৰে’ল বাণিজ্যৰ সংযোগ বৃদ্ধিৰ বাবে ভাৰত আৰু নেপালে চুক্তি স্বাক্ষৰ কৰিছে। বিনিময় স্মাৰক স্বাক্ষৰ কৰাৰ ফলত ভাৰত আৰু নেপালৰ মাজত ৰে’ল ভিত্তিক মালবাহী যাতায়তৰ সুবিধা হ’ব। কেন্দ্ৰীয় বাণিজ্য আৰু উদ্যোগ মন্ত্ৰী পীয়ুষ গোৱেল আৰু নেপাল চৰকাৰৰ উদ্যোগ, বাণিজ্য আৰু যোগান মন্ত্ৰী অনিল কুমাৰ সিনহাৰ মাজত বৃহস্পতিবাৰে নতুন দিল্লীত দ্বিপাক্ষিক বৈঠকৰ পিছত এই চুক্তি স্বাক্ষৰিত হয়।
ভাৰত আৰু নেপালৰ মাজত ট্ৰেনজিট চুক্তিৰ প্ৰট’কল সংশোধনৰ বাবে দুয়োখন দেশৰ বিনিময় স্মাৰকপত্ৰত স্বাক্ষৰ কৰে। এই স্বাক্ষৰৰ জৰিয়তে যোগবাণী (ভাৰত) আৰু বিৰাটনগৰ (নেপাল)ৰ মাজত ৰেল ভিত্তিক মালবাহী যাতায়তৰ সুবিধা হ’ব। এই উদাৰীকৰণ মূল ট্ৰেনজিট কৰিডৰসমূহলৈ বিস্তৃত হৈ আছে: কলকাতা-জোগবানি, কলকাতা-নৌতনৱা (সুনাউলি), আৰু বিশাখাপট্টনম-নৌতনৱা (সুনাউলি), যাৰ ফলত দুয়োখন দেশৰ মাজত বহুমুখী বাণিজ্যিক সংযোগ আৰু তৃতীয় দেশৰ সৈতে নেপালৰ বাণিজ্য শক্তিশালী হয়।
বাণিজ্য আৰু উদ্যোগ মন্ত্ৰী পিযুষ গোৱেলে কয়, ভাৰত আৰু নেপালৰ মাজত বুজাবুজিৰ চুক্তি স্বাক্ষৰিত হোৱাৰ কথা ঘোষণা কৰি আনন্দিত হৈছো, যাৰ ফলত দুয়োখন দেশৰ মাজত ৰে’ল বাণিজ্যৰ সংযোগ বৃদ্ধি পাব দুয়োখন দেশৰ মাজত বহু-মডাল বাণিজ্যিক সংযোগ, আমাৰ অৰ্থনৈতিক আৰু বাণিজ্যিক সম্পৰ্ক আৰু অধিক শক্তিশালী কৰি তুলিছে।”
हिन्दुस्थान समाचार / অৰৱিন্দ
