নতুন দিল্লী, ০৬ নৱেম্বৰ (হি.স.)। ভাৰতীয় জনতা পাৰ্টিৰ দুই বিশিষ্ট তাৰকা প্ৰচাৰক প্ৰধানমন্ত্ৰী নৰেন্দ্ৰ মোডী আৰু কেন্দ্ৰীয় গৃহ আৰু সমবায় মন্ত্ৰী অমিত শ্বাহে আজি বিহাৰ বিধানসভা নিৰ্বাচনৰ প্ৰচাৰ চলাই নিৰ্বাচনী সভাত ভাষণ দিব। প্ৰধানমন্ত্ৰী মোদীয়ে দুটা স্থানত বৃহৎ সমাৱেশ অনুষ্ঠিত কৰাৰ বিপৰীতে শ্বাহে তিনিটা স্থানত সভা অনুষ্ঠিত কৰিব। প্ৰধানমন্ত্ৰী নৰেন্দ্ৰ মোডী আৰু কেন্দ্ৰীয় মন্ত্ৰী অমিত শ্বাহৰ নিৰ্বাচনী প্ৰচাৰৰ সূচী বিজেপিৰ এক্স হেণ্ডেলত শ্বেয়াৰ কৰিছে।
বিজেপিৰ এক্স হেণ্ডেল অনুসৰি প্ৰধানমন্ত্ৰী নৰেন্দ্ৰ মোদীয়ে বিজেপি নেতৃত্বাধীন ৰাষ্ট্ৰীয় গণতান্ত্ৰিক মিত্ৰজোঁটৰ প্ৰাৰ্থীৰ সমৰ্থনত ৰাজহুৱা সভাত ভাষণ দিব পুৱা ১১:৩০ বজাত আৰৰিয়াত আৰু ১:৩০ বজাত ভাগলপুৰত। এইবাৰ বিহাৰৰ নিৰ্বাচনত জংগলৰাজৰ বিষয়টো উত্থাপন কৰিছে এন ডি এ আৰু বিজেপিৰ নেতাসকলে। কালি এখন ৰাজহুৱা সভাত প্ৰধানমন্ত্ৰী মোদীয়ে জংগলৰাজৰ বাবে বিৰোধী দলকো জগৰীয়া কৰে।
তেওঁ কয় যে জংঘলৰাজৰ যুগত কন্যাৰ বাবে বাহিৰলৈ ওলাই যোৱাটো কঠিন আছিল যদিও এতিয়া সেয়া নহয়। ৰাতিও কন্যা সন্তানে চিকিৎসালয়, ৰেল ষ্টেচন, আৰু বহু ঠাইত নিৰ্ভয়ে কাম কৰি আছে। জংগলৰাজৰ বিৰুদ্ধে দেৱালৰ দৰে থিয় দিছে বিহাৰৰ মহিলাসকল। জংগল ৰাজক কেতিয়াও ঘূৰি আহিবলৈ নিদিবলৈ দৃঢ়প্ৰতিজ্ঞ। সেইবাবেই জংগলৰাজৰ সমৰ্থকসকলে বিহাৰৰ মহিলাসকলক সকলো ধৰণৰ মিছা প্ৰতিশ্ৰুতি দিছে। কেৱল এন ডি এয়েহে বিহাৰলৈ উন্নয়ন আনিব পাৰে। কেৱল বিহাৰৰ এন ডি এ চৰকাৰেহে ভগ্নী-কন্যাৰ উজ্জ্বল ভৱিষ্যতৰ নিশ্চয়তা প্ৰদান কৰে।
বিজেপিৰ এক্স হেণ্ডেলত ভাগ কৰা তথ্য অনুসৰি কেন্দ্ৰীয় মন্ত্ৰী শ্বাহে দিনৰ ১২:১৫ বজাত পশ্চিম চম্পাৰাণৰ বেটীয়াৰ ৰামনগৰৰ খাৰৱন্তোলা খেলপথাৰত, ৪৫ মিনিট পিছত মতিহাৰীৰ জিলা বিদ্যালয় খেলপথাৰত, আৰু বিয়লি ৩ বজাত মধুবনীৰ বেনীপটীৰ লীলাধৰ হাইস্কুলত ৰাজহুৱা সভাত ভাষণ দিব। কালি এখন ৰাজহুৱা সভাত শ্বাহে লগতে কয় যে চম্পাৰণ জিলাই জংগলৰাজৰ ওচৰৰ পৰা প্ৰত্যক্ষ কৰিছে। অপহৰণ, মুক্তিপণ, হত্যাকে ধৰি বিভিন্ন অপৰাধমূলক ঘটনাই বিহাৰৰ ভূমি তিতিছে। একেটা জংঘল ৰাজে ছদ্মবেশ পিন্ধি, পৃথক ৰূপত ঘূৰি আহিছে। এয়া বন্ধ কৰাটো আপোনাৰ ওপৰত নিৰ্ভৰশীল।
हिन्दुस्थान समाचार / অৰৱিন্দ
