নতুন দিল্লী, ১৮ ছেপ্টেম্বৰ (হি.স.)। ইন্টিগ্ৰেল কোচ ফেক্টৰীৰ লগতে মহাকাশ আৰু প্ৰতিৰক্ষা খণ্ডৰ বাবে জটিল অংশ নিৰ্মাণ কৰা কোম্পানী এয়াৰফ্ল’য়া ৰে’ল টেকন’লজিছৰ শ্বেয়াৰে আজি শ্বেয়াৰ বজাৰত শক্তিশালী প্ৰৱেশ ঘটাই আই পি অ’ বিনিয়োগকাৰীসকলক আনন্দিত কৰি তুলিছে। আই পি অ’ৰ অধীনত কোম্পানীটোৰ শ্বেয়াৰৰ মূল্য ১৪০ ₹। আজি তেওঁলোকে বিএছইৰ এছএমই প্লেটফৰ্মত ২৬৬ ₹ত তালিকাভুক্ত হয়, যিটো ৯০ শতাংশ প্ৰিমিয়াম। তালিকাভুক্ত কৰাৰ পিছত ক্ৰয় কৰাৰ বাবে কোম্পানীটোৰ শ্বেয়াৰ দ্ৰুতগতিত ₹২৭৯.৩৯ ৰ উচ্চ চাৰ্কিট স্তৰলৈ বৃদ্ধি পায়। এইদৰে ব্যৱসায়ৰ প্ৰথম দিনাই কোম্পানীটোৰ আই পি অ’ বিনিয়োগকাৰীৰ ধন প্ৰায় দুগুণ বৃদ্ধি পালে।
এয়াৰফ্ল’য়া ৰেল টেকন’লজিছৰ ৯১.১০ কোটি টকাৰ আইপিঅ’ ১১ৰ পৰা ১৫ ছেপ্টেম্বৰৰ ভিতৰত চাবস্ক্ৰিপচনৰ বাবে মুকলি আছিল। আই পি অ’ই বিনিয়োগকাৰীৰ পৰা তীব্ৰ সঁহাৰি লাভ কৰাৰ ফলত সামগ্ৰিকভাৱে ৩০১.৫২ গুণ চাবস্ক্ৰিপচন লাভ কৰে। ইয়াৰে যোগ্য প্ৰতিষ্ঠানিক ক্ৰেতা (কিউআইবি)ৰ বাবে সংৰক্ষিত অংশটো ২১৪.৬৫ বাৰ চাবস্ক্ৰাইব কৰা হৈছিল।
আনহাতে, অপ্ৰতিষ্ঠানিক বিনিয়োগকাৰীৰ বাবে সংৰক্ষিত অংশটো মাত্ৰ ৩৪৯.৮৮ বাৰহে চাবস্ক্ৰাইব কৰা হৈছিল। একেদৰে খুচুৰা বিনিয়োগকাৰীৰ বাবে সংৰক্ষিত অংশ ৩৩০.৩১ বাৰ চাবস্ক্ৰাইব কৰা হৈছিল। এই আই পি অ’ৰ অধীনত ৬৫.০৭ লাখ নতুন শ্বেয়াৰ জাৰি কৰা হৈছে যাৰ মুদ্ৰা মূল্য ১০ ₹।
আই পি অ’ৰ জৰিয়তে সংগ্ৰহ কৰা ধন কোম্পানীটোৱে যন্ত্ৰপাতি আৰু নতুন সঁজুলি ক্ৰয় কৰিবলৈ, পুৰণি ঋণৰ বোজা হ্ৰাস কৰিবলৈ, কাৰ্য্যকৰী মূলধনৰ প্ৰয়োজনীয়তা পূৰণ কৰিবলৈ, আৰু সাধাৰণ কৰ্পৰেট উদ্দেশ্যত ব্যৱহাৰ কৰিব।
কোম্পানীটোৰ বিত্তীয় অৱস্থাৰ সন্দৰ্ভত প্ৰস্পেক্টচত দাবী কৰা হৈছে যে কোম্পানীটোৰ বিত্তীয় স্বাস্থ্য ধাৰাবাহিকভাৱে শক্তিশালী হৈছে। ২০২২-২৩ বিত্তীয় বৰ্ষত কোম্পানীটোৱে ১.৪৯ কোটি টকাৰ নিকা লাভ লাভ কৰে, যিটো পৰৱৰ্তী বিত্তীয় বৰ্ষ ২০২৩-২৪ত ১৪.২৩ কোটি টকালৈ বৃদ্ধি পায়। একেদৰে ২০২২-২৩ বিত্তীয় বৰ্ষত কোম্পানীটোৱে ৯৫.৩৩ কোটি টকাৰ ৰাজহ লাভ কৰে, যিটো পৰৱৰ্তী বিত্তীয় বৰ্ষ ২০২৩-২৪ত ১২২.৮৭ কোটি টকালৈ বৃদ্ধি পায়। এই সময়ছোৱাত কোম্পানীটোৰ ঋণো বৃদ্ধি পায়। ২০২২-২৩ বিত্তীয় বৰ্ষৰ শেষত কোম্পানীটোৰ ঋণ আছিল ৬০.২২ কোটি ₹, যিটো ২০২৩-২৪ বিত্তীয় বৰ্ষৰ শেষলৈকে ₹৬৩.৮০ কোটিলৈ বৃদ্ধি পায়।
এই সময়ছোৱাত কোম্পানীটোৰ মজুত আৰু উদ্বৃত্ত ২০২২-২৩ বিত্তীয় বৰ্ষৰ শেষত ৩৬.৭৫ কোটি টকা আছিল, যিটো ২০২৩-২৪ বিত্তীয় বৰ্ষৰ শেষত ৫০.৯৯ কোটি টকালৈ বৃদ্ধি পাইছিল।
हिन्दुस्थान समाचार / Manoj Kumar Saikia
