ইম্ফল, ২৫ জুন (হি.স.)। মণিপুৰ আৰক্ষীয়ে আন্তঃৰাজ্যিক অস্ত্ৰ সৰবৰাহকাৰী দল এটাক আটক কৰি বৃহৎ সফলতা অৰ্জন কৰিছে। বুধবাৰে আৰক্ষীৰ মুখপাত্ৰই জনোৱা মতে, চোৰাংচোৱা তথ্যৰ ভিত্তিত গ্ৰহণ কৰা এই ব্যৱস্থাত আৰক্ষীয়ে চাৰিজন সৰবৰাহকাৰীক গ্ৰেপ্তাৰ কৰাৰ লগতে বৃহৎ পৰিমাণৰ অবৈধ অস্ত্ৰ-শস্ত্ৰ আৰু যোগাযোগৰ সামগ্ৰী জব্দ কৰে।
আটকাধীন অভিযুক্ত কেইজন হৈছে ইম্ফল পশ্চিমৰ থাংমেইবন্দৰ বাসিন্দা ছিনম ছ’মেন্দ্ৰাও মেইটেই ওৰফে পাংকেই/ৰিচাৰ্ডছ (৪৩), যিজন নিষিদ্ধ সংগঠন ইউএনএলএফ (পি) সদস্য, ইম্ফল পূৱৰ নংমেইবুং আয়াংপল্লীৰ লঞ্চেম্বা নংথোম্বা (২৪), ইম্ফল পশ্চিমৰ সিংজামি চিৰোম লাইকেৰ আৰ কে আবোটে সিং ওৰফে ৰোহিত (৩৩) আৰু ইম্ফল পূবৰ কংপাল মুটুম লাইকে নিবাসী বিশ্বনাথ থোইচম (২১) বুলি জানিব পৰা গৈছে ।
আৰক্ষীৰ অভিযানত উদ্ধাৰ হোৱা অস্ত্ৰসমূহৰ ভিতৰত আছে দুটা ৯ মিমি পিষ্টল, ১৯টা জে ডি ট’ৰাছ (৭.৬৫ মিমি), ফেলকন কেল (৭.৬২ মিমি), এম-২০ ফেলকন, কেলটেক (.৩২ মিমি), বেৰেটা আৰু গ্লক (.৩২ মিমি) পিষ্টল।
ইয়াৰ লগতে আৰক্ষীয়ে ১১টা মেগজিন, ১২৯টা গুলী, ১৫৯টা .৩২ মিমিৰ সজীৱ গুলী, তিনিটা ম’বাইল ফোন আৰু ৪টা বেতাঁৰ হেণ্ডছেটো উদ্ধাৰ কৰে।
এই চক্ৰটোৱে ৰাজ্য আৰু ৰাজ্যৰ বাহিৰত সক্ৰিয় উগ্ৰপন্থী আৰু অপৰাধী উপাদানক অস্ত্ৰ-শস্ত্ৰ যোগান ধৰিছিল বুলি আৰক্ষীয়ে সন্দেহ প্ৰকাশ কৰিছে। সমগ্ৰ নেটৱৰ্ক আৰু ইয়াৰ লিংকৰ তদন্ত চলি আছে।
हिन्दुस्थान समाचार / মনোজ কুমাৰ শইকীয়া
