শেহতীয়াকৈ অভিনেতা অজয় দেৱগনক ‘ৰেইড-২’ ছবিত দেখা গৈছিল, য’ত তেওঁৰ অভিনয়ক দৰ্শক আৰু সমালোচকে অতিশয় শলাগ লৈছিল। ছবিখনে বক্স অফিচতো ভাল প্ৰদৰ্শন কৰিছিল। এতিয়া আকৌ এবাৰ ডাঙৰ পৰ্দাক জোকাৰিবলৈ সাজু হৈছে অজয় দেৱগন। তেওঁৰ আগন্তুক ছবিসমূহতো ‘ছন অৱ চৰ্দাৰ-২’ নামটোও সন্নিবিষ্ট কৰা হৈছে, যিটো দৰ্শকে বহুদিন অপেক্ষা কৰি আছিল। এতিয়া অৱশেষত ‘ছন অৱ চৰ্দাৰ-২’ৰ অজয় দেৱগনৰ প্ৰথম আভাস ওলাইছে, আৰু ইয়াৰ লগে লগে ছবিখনৰ মুক্তিৰ তাৰিখো ঘোষণা কৰা হৈছে।
অহা ২৫ জুলাইত ছবিগৃহত মুক্তি পাবলৈ গৈ আছে ‘ছন অৱ চৰ্দাৰ-২’। আমোদজনক কথাটো হ’ল সিদ্ধাৰ্থ মালহোত্ৰা আৰু জাহ্নৱী কাপুৰৰ ছবি ‘পৰম সুন্দৰী’ও একেদিনাই মুক্তি পাব, যাৰ বাবে বক্স অফিচত দুয়োখন ছবিৰ মাজত প্ৰতিযোগিতা নিশ্চিত বুলি বিবেচিত হৈছে।
এই ছবিখনত অজয় দেৱগনক প্ৰথমবাৰৰ বাবে মৃণাল ঠাকুৰৰ সৈতে পৰ্দা শ্বেয়াৰ কৰা দেখা যাব। ইয়াৰ পৰিচালক বিজয় কুমাৰ অৰোৰা, আনহাতে ছবিখনৰ প্ৰযোজক হিচাপে জ্যোতি দেশপাণ্ডেৰ সৈতে আছে অজয় দেৱগন।
हिन्दुस्थान समाचार / মনোজ কুমাৰ শইকীয়া
