বেংগালুৰু, ০৭ ফেব্ৰুৱাৰী। ইণ্ডিয়ান ছুপাৰ লীগ (আই এছ এল) ২০২৩-২৪ ছিজনত পুনৰ দক্ষিণ ভাৰতীয় প্ৰতিদ্বন্দ্বিতা (দক্ষিণ ডাৰ্বি)ৰ ৰোমাঞ্চৰ সৃষ্টি হ’ব যেতিয়া বেংগালুৰু এফ চিয়ে আজি নিশা ঘৰুৱা খেলপথাৰ শ্ৰী কান্তিৰাভা ষ্টেডিয়ামত চেন্নাইয়িন এফ চিক আদৰিব। এইখন এনে এখন মেচ হ’ব যাৰ পটভূমিৰ গুৰুত্বই সদায় দুয়োপক্ষৰ অনুৰাগী আৰু সমৰ্থকক উত্তেজিত কৰি আহিছে। আই এছ এলৰ প্ৰথমখন ফাইনেল (২০১৭–১৮)ত বেংগালুৰু এফ চিয়ে চেন্নাইইন এফ চিৰ বিৰুদ্ধে খেলিছিল।
সেই ৰোমাঞ্চকৰ খিতাপ মেচখনত মেৰিনা মাচান্সে তেওঁলোকক ৩-২ গ’লত পৰাস্ত কৰিছিল আৰু তেতিয়াৰ পৰাই এই প্ৰতিদ্বন্দ্বিতাই বহু ৰোমাঞ্চকৰ মুহূৰ্তৰ সাক্ষী হৈ আহিছে, ইখনৰ পিছত সিখন মনোৰঞ্জনমূলক মেচ। অৱশ্যে এই সময়ত দুয়োপক্ষই সমানে প্ৰত্যাহ্বানজনক পৰিস্থিতিৰ মাজেৰে পাৰ হৈ গৈছে। ছিজন বিৰতিৰ পৰা উভতি অহাৰ পিছত ব্লুজে ভাল আৰম্ভণিৰ আশা কৰিছিল যদিও আই এছ এলৰ নতুন দল পঞ্জাব এফ চিৰ হাতত ১-৩ গ’লত পৰাস্ত হৈছিল।
এক গ’লৰ অগ্ৰগতি নষ্ট কৰাৰ পিছত এই ঘৰুৱা খেলপথাৰৰ বাহিৰৰ খেলখনত পৰাস্ত হৈছিল ব্লুজে, যিয়ে হয়তো জেৰাৰ্ড জাৰাগোজাৰ বাবে উদ্বেগ সৃষ্টি কৰিছিল। সেইটোও যেতিয়া ক্লাবটোৱে শীতকালীন ট্ৰেন্সফাৰ উইণ্ডোত নিখিল পূজাৰী আৰু চিংলেনছানা সিঙৰ দৰে ডিফেণ্ডাৰক অন্তৰ্ভুক্ত কৰি নিজৰ ডিফেন্স শক্তিশালী কৰাৰ প্ৰচেষ্টা চলাইছে। চেন্নাইন এফ চিয়ে মোবাশ্বিৰ ৰহমানক ঋণত যোগ দিছিল যদিও সাধাৰণতে বিশ্বাস কৰা হয় যে অভিযানৰ প্ৰথম লেগত আগবাঢ়িবলৈ তেওঁলোকে ভাল প্ৰদৰ্শন কৰিব লাগিব যদিও মেৰিনা মাচান্সে ৱেৰেৰ বাৰখন খেলত ১২ পইণ্ট সংগ্ৰহ কৰে।
মেচৰ পূৰ্বে অনুষ্ঠিত সংবাদমেলত বেংগালুৰু এফ চিৰ স্পেইনৰ মুখ্য প্ৰশিক্ষক জেৰাৰ্ড জাৰাগোজাই কয়, ‘অৱশ্যেই পৰাজয়ৰ পিছত মেজাজ সলনি কৰিব লাগিব। আমি এখন মেচত পৰাস্ত হৈছিলো যাৰ বাবে আমি দিল্লীলৈ গৈছিলো, আমি সন্ধিয়া ৫:৩০ বজাত খেলিছিলো, গতিকে সকলো অতি সোনকালে হৈছিল, আৰু তাৰ পিছত আমি ঘৰলৈ আহিছিলো আৰু খেলুৱৈসকল ভাগৰি পৰিছিল। আমি জানিছিলোঁ যে তিনিদিনৰ পিছত আকৌ মেচখন খেলিব লাগিব। এই আমেজ সলনি কৰিবলৈ আমি খেলুৱৈসকলৰ সৈতে কাম কৰিব লাগিব। আমি শেষৰখন মেচ পাহৰি আগবাঢ়ি যোৱাত মনোনিৱেশ কৰিব লাগিব। চেন্নাইন এফ চি আহি আছে আৰু তেওঁলোকে ষষ্ঠ স্থানৰ বাবে এই যুঁজত আছে, আৰু মই ক’ব পাৰো যে আমি জয়ী হ’বলৈ ক্ষুধাতুৰ হৈ আছো, আমি সকলোৱে শেষ মুহূৰ্তলৈকে যুঁজিব বিচাৰো।”
চেন্নাইন এফ চিৰ স্কটিছ মুখ্য প্ৰশিক্ষক ওৱেন কয়লে কয়, ‘আমি জানো যে ছিজনৰ দ্বিতীয় পৰ্যায়ত আমি ঘৰুৱা ছখন মেচ আৰু বাহিৰত চাৰিখন মেচ খেলিম। প্লে অফত স্থান লাভ কৰাৰ এই সুযোগ আমাৰ বাবে। আমি নিশ্চিত হ’ব লাগিব যে আমি শীৰ্ষ ছয়ত স্থান লাভ কৰো। সকলো আমাৰ হাতত। আমি নিজৰ ভাগ্য নিজেই সিদ্ধান্ত লওঁ। আমি উৎসাহিত আৰু ইয়াৰ বাবে আগ্ৰহী।”
উল্লেখ্য যে এই পৰ্যন্ত দুয়োটা দলৰ মাজত ১৪ খন মেচ খেলা হৈছে। য’ত বেংগালুৰু এফ চিয়ে ৭ খন আৰু চেন্নাইন এফ চিয়ে ৪ খনত জয়লাভ কৰিছে, আনহাতে ৩ খন মেচ ড্ৰ’ হৈছে।
