শোণিতপুৰ, ০৪ ডিছেম্বৰ (হি.স.)। সদৌ অসম জিলা জিলা প্ৰশাসন কৰ্মচাৰী সন্থাৰ দাবীসমূহ অসম চৰকাৰে শীঘ্ৰে সমাধানৰ ব্যৱস্থা গ্ৰহণ নকৰিলে চৰকাৰৰ বিৰুদ্ধে আন্দোলনৰ কাৰ্যসূচী গ্ৰহণ কৰিব ৷ তেজপুৰ কনভেনচন চেন্টাৰত সদৌ অসম জিলা কৰ্মচাৰী সন্থাৰ ৰাজ্যিক কাৰ্যনিৰ্বাহক সভা অনুষ্ঠিত হয় আৰু কাৰ্যনিৰ্বাহক সভাৰ পিছত কাৰ্যনিৰ্বাহক সভাৰ সিদ্ধান্ত সমূহ সদৰি কৰি এক সংবাদ মেলত সদৌ অসম জিলা জিলা প্ৰশাসন কৰ্মচাৰী সন্থাৰ সভাপতি বিক্ৰমজিৎ চক্ৰৱৰ্ত্তী সাধাৰণ সম্পাদক জয়ন্ত ভাণ্ডাৰ কায়স্থই ।
নেতাদ্বয়ে কয় যে – দীৰ্ঘদিন ধৰি জিলা আয়ুক্ত কাৰ্যালয়ত কাৰ্যনিৰ্বাহ কৰি অহা কৰ্মচাৰী সকলে গ্ৰেড পেৰ সুকীয়া মৰ্যাদা দাবী জনাই আহিছে ৷ জিলা আয়ুক্ত কাৰ্যলয়ত কৰ্মৰত কৰ্মচাৰী সকলৰ শিক্ষাগত অৰ্হতা স্নাতক যদিও দৰমহা কিন্তু প্ৰাথমিক বিদ্যালয়ৰ শিক্ষকতকৈ কম ৷ গতিকে জিলা আয়ুক্ত কাৰ্যালয়ত কৰ্মৰত কৰ্মচাৰীসকলক সুকীয়া দৰমহা ব্যৱস্থা তথা গ্ৰেড পে, ৰ প্ৰৰ্বতন কৰিব লাগে বুলি জিলা প্ৰশাসন কৰ্মচাৰী সন্থাই চৰকাৰৰ ওচৰত দীৰ্ঘদিনৰ পৰা দাবী জনাই আহিছে ৷ তদুপৰি কৰ্মচাৰী সকলৰ ভৱিষ্যতৰ প্ৰতি অন্ধকাৰ নমাই অনা পেঞ্চন আঁচনি এন.পি এছ বাতিল কৰি কৰ্মচাৰী সকলৰ ভৱিষ্যত সুৰক্ষআৰ স্বাৰ্থত অ.পি.এছ প্ৰৱৰ্তন কৰিবৰ বাবেও সদৌ অসম জিলা প্ৰশাসন সন্থাই দাবী জনাই আহিছে ৷
ইপিনে ষষ্ঠ দৰমহা আয়োগৰ অধীনত ২১ মাহে ধৰি বকিয়াৰ ধন এই পৰ্যন্ত জিলা আয়ুক্ত কাৰ্যালয়ৰ কৰ্মচাৰী সকলক চৰকাৰে আদায় দিয়া নাই ৷ নেতাদ্বয়ে দোহাৰে যে আমি অতি শীঘ্ৰে বকিয়াৰ ধন আদায় দিবৰ বাবে দাবী জনাইছো ৷ আনহাতে জিলা আয়ুক্ত কাৰ্যালয়ৰ কোটি কোটি টকাৰ চৰকাৰী লেন-দেন হয় যদিও এতিয়ালৈকে একাউন্টেট নাই আৰু অধীক্ষক নাই ৷ আমি জিলা আয়ুক্তৰ কাৰ্যালয়ত একাউন্টেট আৰু অধীক্ষকৰ পদবী দুটাও সৃষ্টি কৰিবলৈ দীৰ্ঘদিনৰ পৰা দাবী জনাই আহিছো ৷ জিলা প্ৰশাসনিক কৰ্মচাৰী সন্থাৰ সভাপতি, সম্পাদক দুগৰাকীয়ে সংবাদ মেলত এইবুলি কয় যে আমি সন্থাৰ তৰফৰ পৰা অতি শীঘ্ৰেই ৰাজ্যৰ মুখ্যমন্ত্ৰীক সাক্ষাৎ কৰি উল্লেখিত দাবীসমূহ ২০ ডিচেম্বৰৰ ভিতৰত সমাধানৰ দাবী জনাম৷ যদি সমাধানৰ কোনো ধৰণৰ ব্যৱস্থা চৰকাৰে নকৰে তেন্তে সদৌ অসম জিলা প্ৰশাসনিক কৰ্মচাৰী সন্থাই আন্দোলনৰ কাৰ্যসূচী গ্ৰহণ কৰিবলৈ বাধ্য হ’ব ৷
সংবাদমেলখনত সভাপতি, সম্পাদকে কয় ২০ ডিচেম্বৰৰ ভিতৰত চৰকাৰে সন্থাৰ দাবী মানি নল’লে ২১ আৰু ২২ ডিচেম্বৰত দুঘন্টীয়া কৰ্ম বিৰতি আৰু ধৰ্মঘট কাৰ্যসূচী জিলা আয়ুক্ত কাৰ্যালয়ৰ কৰ্মচাৰী সকলে ৰূপায়ন কৰিব ৷ ইয়াৰ পিছতো চৰকাৰে সমাধানৰ ব্যৱস্থা নল’লে ২৯ ডিচেম্বৰৰ দিনা এদিনীয়া কৰ্ম বিৰতি কাৰ্যসূচী ৰূপায়ন কৰিব৷ পৰৱৰ্ত্তী সময়ত দৃঢ় আৰু কঠোৰ আন্দোলনৰ কাৰ্যসূচী গ্ৰহণ কৰিব বুলিও সংবাদমেলত সদৌ অসম জিলা জিলা প্ৰশাসন কৰ্মচাৰী সন্থাৰ সভাপতি আৰু সম্পাদকে ব্যক্ত কৰে ৷
হিন্দুস্থান সমাচাৰ/সমীৰ/মনোজ
