কামৰূপ, ০২ নৱেম্বৰ (হি.স.): কামৰূপৰ গৰৈমাৰীত বুধবাৰে নিশা উত্তাপ্ত পৰিস্থিতিৰ সৃষ্টি হয় ৷ ইছলামিক ধৰ্মপ্ৰচাৰক তথা দ্বীনি শিক্ষাৰ ধৰ্মগুৰু তথা ব্য়ৱসায়ী হাফিজ শ্বহিদুল ইছলামক আক্ৰমণ কৰি অৰ্ধলক্ষাধিক টকা লুটি নিয়াক কেন্দ্ৰ কৰি সমগ্ৰ গৰৈমাৰী অঞ্চলত সৃষ্টি হয় উত্তপ্ত পৰিস্থিতি ৷ গৰৈমাৰী আৰক্ষী থানাৰ বৃহৎ আৰক্ষীৰ দল এটাই ঘটনা স্থলীত উপস্থিত হৈ পৰিস্থিতি নিয়ন্ত্ৰণ কৰিবলৈ সক্ষম হয় ৷
ঘটনাৰ সংক্ৰান্তত জানিব পৰা মতে হাফিজ শ্বহিদুল ইছলামে তেওঁৰ শহুৰ, খুলশালীৰ সৈতে গৰৈমাৰী বজাৰৰ পৰা নিশা প্ৰায় ১০ বজাত নিজৰ ঘৰলৈ গৈ থকা অৱস্থাত দুৰ্বৃত্তই আক্ৰমণ চলায় ৷ দুৰ্বৃত্তৰ আক্রমণত গুৰতৰভাৱে আহত হয় হাফিজ শ্বহিদুল ইছলামসহ তিনিজনকৈ লোক । গুৰতৰভাবে আহত হোৱালোক কেইজনক্ৰমে হাফিজ শ্বহিদুল ইছলাম (৪২), আফজালুৰ ৰহমান (২৯) আৰু ছলিমুদ্দিন আহমেদ (৫৫)। স্থানীয় লোকে চিঞৰবাখৰ শুনি ঘটনাস্থলীত উপস্থিত হৈ আটাইতকেইজনক গৰৈমাৰী সামূহিক চিকিৎসালয়ত ভৰ্তি কৰায় যদিও চিকিৎসকে সংকটজনক অৱস্থাত জিএমচিএইচলৈ প্ৰেৰণ কৰে। এই ঘটনাৰ সৈতে জৰিত থকা তিনিজনকৈ যুৱকক আটক কৰে আৰক্ষীয়ে৷ আৰক্ষীৰ আটকাধীন যুৱক তিনিজন ক্ৰমে- ছাদ্দাম হুছেইন, নজৰুল ইছলাম আৰু ছাবুল খান বুলি পৰিচয় পোৱা গৈছে।
হিন্দুস্থান সমাচাৰ / কিশোৰ/মনোজ
